ఫ్రైడ్‌ చికెన్‌తో ప్రాణాంతకం

 ఫ్రైడ్ చికెన్ ప్రతిరోజూ తింటే ప్రాణాలకే ముప్పంటున్నారు వైద్యులు. తాజా అధ్యయనంలో ఆందోళనకరమైన విషయాలను బయటపెట్టారు పరిశోధకులు. ఫ్రైడ్ చికెన్ ఎక్కువగా తినే వారికి గుండె జబ్బులు వచ్చే అవకాశాలు ఎక్కువగా ఉందన్న విషయం ఇటీవల నిర్వహించిన అధ్యయనంలో తేలింది. ఫ్రైడ్ చికెన్ తినేవారికి టైప్--–2 డయాబెటిస్ కూడా వచ్చే అవకాశాలు ఎక్కువగా ఉంటాయి. అంతే కాదు.. ఫ్రైడ్ చికెన్ ఎక్కువగా తినేవారిలో కేన్సర్ లక్షణాలనూ గుర్తించారు పరిశోధకులు. ఒక్క ఫ్రైడ్ చికెనే కాదు.. ఫ్రై చేసిన ఏ వస్తువులు తిన్నా అంతే. ఫ్రైడ్ ఫిష్, ఫ్రైడ్ మటన్, ఫ్రైడ్ చికెన్, మిగతా ఫ్రైడ్ ఐటెమ్స్ ఏది తిన్నా కూడా, యుక్త వయసులో ఉన్నవారికైనా ఆరోగ్య సమస్యలు వచ్చే ప్రమాదం ఉంటుంది. ఎప్పుడో ఒకసారి తింటే ఏం కాదు కానీ.. నిత్యం ఇలా ఫ్రై చేసిన నాన్ వెజ్ తింటే అంతే సంగతులు.