ఆంధ్రజ్యోతి, 03-05-13: డయాబెటిస్‌ ఉందని తెలిస్తే జీవితాంతం మందులు వాడాల్సిందే. అయితే దీర్ఘకాలం పాటు వ్యాధి కొనసాగటం వల్ల అనేక సమస్యలు వచ్చిపడతాయి. కానీ హోమియో వైద్యంతో ఆ భయం లేదు. హోమియో మందుల వల్ల డయాబెటిస్‌ అదుపులో ఉండటమే కాకుండా, ఆ వ్యాధి మూలంగా తలెత్తే ఇతర సమస్యలకు అడ్డుకట్ట పడుతుందని అంటున్నారు డాక్టర్‌ శ్రీకాంత్‌. 

డయాబెటిస్‌ రెండు రకాలు 

లక్షణాలు

కారణాలు

నిర్ధారణ పరీక్షలు

దుష్ఫలితాలు

తాత్కాలిక దుష్ఫలితాలు : రక్తంలోని గ్లూకోజ్‌ను శరీరం వినియోగించుకోలేకపోయినపుడు తనకు అవసరమైన శక్తి కోసం శరీరంలోని కణాలలో కొవ్వు పదార్థాలు, ప్రొటీన్‌ల మీద ఆధారపడాల్సి వస్తుంది. ఇలాంటి సందర్భాల్లో కీటోన్స్‌ అనబడే పదార్థాలు తయారై అవి రక్తంలో నిలువ ఉండి తదుపరి మూత్రంలోకి ప్రవహించుతాయి. రక్తంలో గ్లూకోజ్‌ అధికంగా ఉన్నప్పుడు మాదిరిగా మూత్రంలో కీటోన్స్‌ అధికంగా ఉన్నప్పుడు కూడా మూత్రవిసర్జన అధికంగా జరిగి శరీరంలో నీటి కొరత ఏర్పడుతుంది. దీనివల్ల రక్తం ఆమ్లపూరితం అవుతుంది. ఈ పరిస్థితిని కీటోఅసిడోసిస్‌ అంటారు. రక్తంలో ఏర్పడుతున్న ఈ కీటోన్స్‌ అనబడే పదార్థాలు అత్యంత విషపూరితమై మెదడు కణాలలో వాపు ఏర్పడి స్పృహ కోల్పోవడం జరుగుతుంది. దీనిని డయాబెటిక్‌ కోమా అంటారు. దాహం ఎక్కువ, అతిగా మూత్రవిసర్జన, బరువు తగ్గడం, వికారం, వాంతులు, అలసట, మత్తుగా ఉండటం, శ్వాసలో ఇబ్బంది, పొత్తికడుపులో నొప్పి, చూపు మసకబారడం వంటి లక్షణాలు కనిపిస్తాయి. రక్తపరీక్ష, మూత్రపరీక్ష, సీరమ్‌ఎలకో్ట్రలైట్స్‌, ఇసిజి వంటి పరీక్షలు వ్యాధి నిర్ధారణకు ఉపయోగపడతాయి. 

దీర్ఘకాలిక దుష్ఫలితాలు: కాటరాక్ట్‌, డయాబెటిక్‌ రెటినోపతి, గ్లకోమా వస్తుంటాయి. కాటరాక్ట్‌ అంటే కళ్ల పొరలు ఏర్పడి కంటి చూపు తగ్గుతుంది. డయాబెటిక్‌ రెటినోపతిలో కంటి వెనుక ఉండే రెటినా అనే భాగంలో రక్తనాళాలు బలహీనపడటం వల్ల అంధత్వం వచ్చే ప్రమాదం ఉంది. గ్లకోమా అంటే కళ్లలోపల ఉండే ద్రవాలలో ఒత్తిడి పెరగడం మూలంగా అంధత్వం వచ్చే అవకాశం ఉంది. 

గుండె సమస్యలు: షుగర్‌ నియంత్రణలో లేకపోతే రక్తనాళాలు గట్టిపడటం, మందం కావడం జరుగుతుంది. దీనిని అథెరోస్కెలరోసిస్‌ అంటారు. ఇదే పరిస్థితి కొనసాగితే హైపర్‌టెన్షన్‌, గుండెపోటు, పక్షవాతం లాంటి జబ్బులు వస్తాయి. 

డయాబెటిక్‌ న్యూరోపతి : స్పర్శలేకపోవడం, కాళ్లు, చేతుల్లో మంట, తిమ్మిర్లు, నొప్పులు, కాళ్లు బిగుసుకుపోవడం జరుగుతుంది.