మేలు పండు

06-09-2017:
 
మేడిపండ్లను నీడలో ఎండించి చూర్ణం తయారు చేసుకోవాలి. ఆ చూర్ణానికి సమాన మోతాదులో చక్కెర కలిపి 10 గ్రాముల పరిమాణంలో ప్రతిరోజూ సేవిస్తే, రక్తదోషాలు తొలగిపోవడంతో పాటు, రక్తశుద్ధి, రక్తవృద్ధి కలిగి చర్మం కాంతివంతమవుతుంది.
 
మేడిపండ్ల చూర్ణాన్ని ప్రతి రోజూ పడుకునే ముందు తీసుకున్నా, తరుచూ మేడిపండ్లును తింటూ ఉన్నా మలబద్ద సమస్య ఉండదు.
 
60 గ్రాముల మేడి చెట్టు బెరడును నలయగొట్టి, 2 గ్లాసుల నీటిలో వేసి అరగ్లాసు అయ్యే వరకు మరగించాలి. ఆ తర్వాత వడబోసి, అందులో ఒక స్పూను తేనె కలిపి ప్రతిరోజూ పరగడుపున తీసుకుంటే మధుమేహం నియంత్రణలో ఉంటుంది.
 
60.మి.లీ. మేడి పండ్ల రసంలో అరస్పూను కరక్కాయ పొడి కలిపి ప్రతి రోజూ రెండు పూటలా సేవిస్తే నడుము నొప్పి తగ్గుతుంది.
 
మేడి బెరడు చూర్ణానికి సమానంగా పటిక బెల్లం కలిపి తులం మోతాదులో రోజుకు రెండు పూటలా సేవిస్తే స్త్రీలలోని గర్భాశయ, జననాంగ సమస్యలతో పాటు, తెల్లబట్ట తగ్గుతుంది.
 
60 మి.లీ. మేడిపండ్ల రసంలో కొద్దిగా తేనె చేర్చి సేవిస్తూ, పాల అన్నం మాత్రమే తింటూ ఉంటే, అధిక రుతుస్రావం సమస్య తగ్గుతుంది.
 
గర్భస్రావం అయ్యే స్త్రీలు గర్భం దాల్చిన తర్వాత మేడి బెరడు కషాయంలో బార్లీపిండి, పటిక బె ల్లం కలిపి తాగుతూ ఉంటే గ ర్భం నిలుస్తుంది.
 
250 మి.లీ. మేడి చెక్క కషాయంలో 3 గ్రాములు పొంగించిన పటిక చూర్ణం కలిపి పుక్కిలిస్తూ ఉంటే నోటి పుండ్లు మానిపోతాయి.