పుల్లటి త్రేన్పులతోపాటు వాంతులవటం,  కడుపులో మంట, కడుపు ఉబ్బరంగా ఉండటం, ఛాతీ పట్టేసినట్లు ఉండటం గ్యాస్ట్రెటిస్‌, ఎసిడిటి లక్షణాలు. కొంతమందికి కొద్దిగా ఆహారం తీసుకున్నా కడుపు నిండినట్లుగా ఉంటుంది. ఆకలి లేకపోవటం వల్ల బరువు తగ్గుతారు.

 నగర జీవనానికి అలవాటుపడిన వారి ఆహారపు అలవాట్లలో అనేక మార్పులు చోటుచేసుకుంటున్నాయి. రసాయనిక ఎరువుల వాడకం పెరగడం, కల్తీ, పరిశుభ్రత లేని తినుబండారాలు తినడం వల్ల అనేక వ్యాధులు చుట్టుముడుతున్నాయి. గ్యాస్ట్రిక్‌ అల్సర్‌ బాధితులను ఆహారం తీసుకున్న వెంటనే నొప్పి వెంటాడుతుంది. తిన్నది వాంతి చేసుకునే వరకు ఇబ్బందిగానే ఉంటుంది. మానసిక ఆందోళన, ఆహారపు అలవాట్లు, జీవనశైలిలో మార్పులు ప్రధాన కారణంగా చెప్పవచ్చు. ఈ సమస్య చాలా మందిని ఇబ్బంది పెడుతోంది. ఆహారపు అలవాట్లు మార్చుకోవడం, పరిశుభ్రమైన నీరుతాగడం, కొవ్వు పదార్థాలకు దూరంగా ఉండటం, బయట ఆహారాలు తీసుకోకపోవడం, పొగతాగడం, మద్యం సేవించడం వంటి అలవాట్లకు దూరంగా ఉండాలి. 

కొన్ని హోమియోపతి మందులు వాడటం వల్ల ఈ సమస్యను దూరం చేసుకోవచ్చు.నక్స్‌వామికా, సల్ఫర్‌, బ్రయోనియా,రొబినియా, చెలిడోనియం, పల్సటిల్లా, మైకోపోడియం వంటి హోమియో మందులు  అన్ని రకాల జీర్ణకోశవ్యాధులను నివారించేందుకు ఉపయోగపడుతాయి. మనిషి లక్షణాలను బట్టి మందులు ఇవ్వడం జరుగుతుంది. ఈ ఔషధాలను అనుభవజ్ఞులైన వైద్యుల పర్యవేక్షణలో పూర్తికాలం వాడినపుడే మంచి ఫలితం ఉంటుంది. లక్షణాలు కనిపించిన వెంటనే వైద్యులను కలిసి చికిత్స తీసుకుంటే అల్సర్‌ సమస్యకు శాశ్వత పరిష్కారం లభిస్తుంది.

అల్సర్స్‌ అంటే పుండు. ఆహార వాహికలో పుండు ఉంటే డైజోఫేజియల్‌ అల్సర్‌ అని, జీర్ణకోశంలో ఉంటే గ్యాస్ట్రిక్‌ అల్సర్‌ అని అంటారు. ఎసిడిటీ, గ్యాస్ట్రెటిస్‌ సమస్యలకు సరైన చికిత్స తీసుకోనందువల్ల అల్సర్లు వచ్చే అవకాశముంది. 

నివారణ మార్గాలు : ఆహారపు అలవాట్లను మార్చుకొని, హోమియో వైద్యం తీసుకుంటే మంచి ఫలితాలు వస్తాయి. అల్సర్లను శాశ్వతంగా నివారించేందుకు హోమియో మందులు  ఉపకరిస్తాయి. 

వర్షాకాలం ఆరంభంతో మనం తాగే నీరు కలుషితమై అమీబియాసిస్‌ సమస్యలకు కారణమవుతుంటుంది. చిన్నపిల్లలకు అమీబియాసిస్‌ సమస్య వచ్చిందంటే ఒక్కోసారి ప్రాణాంతకం కూడా కావచ్చు. గ్రామీణ ప్రాంతాల్లో నెలకొన్న అపరిశుభ్ర పరిస్థితులు, బహిర్భూమి అలవాటు వల్ల అమీబియాసిస్‌ సమస్య ఎక్కువగా ఉంది. జీర్ణకోశ సమస్యలతో పేగులు వాచిపోవటాన్ని డిసెంట్రి అంటారు. దీనివల్ల పలు మార్లు మోషన్‌కు వెళ్లాలని అనిపిస్తుంది. కానీ వెళ్లిన ప్రతిసారి కడుపులో ఏదో లాగుతున్నట్లు అనిపిస్తుంది. ఒక్కోసారి విరోచనంతోపాటు రక్తం, జిగట పదార్థం వస్తుంటుంది. ఆహారం అపరిశుభ్రత వల్ల అమీబియాసిస్‌ సమస్య వస్తుంటుంది. 

దుష్ప్రభావాలు : అమీబియాసిస్‌ సమస్యకు సరైన చికిత్స తీసుకోనట్లయితే పేగుల్లో పుండ్లు పడే అవకాశం ఉంది. కాలే య సంబంధ సమస్యలు కూడా ఏర్పడుతుంటాయి. చిన్నపిల్లలకు ఈ సమస్య వస్తే 10, 15 సంవత్సరాల వరకు పోదు.